Балалар мен ересектердегі COVID-19-дың қазіргі ағымының ерекшеліктері туралы Орталық коммуникациялар қызметі алаңында клиникалық жұмыс жөніндегі проректор, медицина ғылымдарының докторы, профессор, жоғары санатты инфекционист-дәрігер Бақыт Көшерова айтып берді.


Ең алдымен, «Омикрон» штаммын жұқтырған кездегі инкубациялық кезең 2-4 күнге дейін қысқарды, елімізде аурудың нақ осы нұсқасы басым. Індет дене температурасының көтерілуінен басталады немесе температура болмауы да мүмкін; жалпы әлсіздік, бас ауруы болады; терлеу (айқын болуы мүмкін); дененің ауырсынуы, тамақ ауруы және жыбырлауы; мұрынның бітелуі, сирек жағдайда құрғақ жөтел, есту қабілетінің бұзылуы, кейбір науқастарда диарея болуы мүмкін.


«Егер бұған дейін аурудың ауырлығын анықтайтын критерийлер тыныс алу жеткіліксіздігі болса, бүгінде пациенттердегі интоксикация белгілеріне, ағзалардың зақымдануына, қабынудың жүйелі болуына, асқынулардың дамуына, қосылған және ілеспе аурулардың ауырлығына байланысты болуы мүмкін. Аурудың орташа және ауыр ағымының дамуы интоксикация синдромына, қан тамыры және су-электролиттік және басқа да бұзылуларға байланысты өкпеге зақым келтірместен болуы мүмкін.


Аурудың ауырлығын тек дәрігер ғана анықтай алады. Егде жастағы және кәрі адамдарда COVID-19 ағымының ерекшеліктерін есте сақтау өте маңызды – қызудың көтерілуі, жөтел, ентігу (иммунитеттің әлсіреуіне байланысты); жалпы әлсіздік; концентрация мен дене белсенділігінің төмендеуі; қысымның төмендеуі; психикалық жағдайдың өзгеруі (туыстары байқайды) - аурудың атипті көрінісі; сондай-ақ науқастардың іші ауыруы мүмкін. Егде жастағы адамдарда COVID-19 белгілері жеңіл болады, сондай-ақ аурудың және болжамның ауырлығына сәйкес келмеуі мүмкін. Қалай болғанда да, дереу дәрігерге хабарласуыңыз керек», - деді сарапшы.


Пандемия басталған кездегідей, ересектерде аурудың ауыр және асқынған ағымның қауіпті факторлары - 60 жастан асып кету (жасына қарай қауіп артады); қатар жүретін аурулардың болуы - артериялық гипертония, жүректің ишемиялық ауруы, созылмалы жүрек жеткіліксіздігі, өкпенің созылмалы обструктивті ауруы, бронх демікпесі, қант диабеті, семіздік, бүйрек аурулары, темекі шегу, тамыр аурулары орталық жүйке жүйесі. Айта кетерлік жайт, вакцинация мен ревакцинацияның болмауы да асқынудың критерийі болып табылады.


Сондай-ақ аурудың қайталанған жағдайлары көп. SARS-CoV-2 әртүрлі штамдарымен, соның ішінде бір штаммның әртүрлі нұсқаларын, атап айтқанда Омикронның BA.1, BA.2., BA.3, ВА.4. түрлерін бірнеше рет жұқтыруға болады.