Атап айтқанда 14 жағдайда Ресейден 152,7 тонна жеміс-жидек пен сәбіз, Ираннан 45,2 тонна алма және Оңтүстік Кореядан 1 тонна жүгері ұнын импорттау кезінде фитосанитариялық сертификаттардың жоқтығы анықталды.
Сонымен бірге 11 жағдайда Ресей Федерациясынан 113 тонна ұн, жүгері, құрма, лимон, банан, көкөністер мен басқа да жемістер, Түркиядан 80,4 тонна кептірілген өрік пен Анар және Өзбекстаннан 123,3 тонна кептірілген жеміс импорты кезінде өнім қайталама тексеруге ұсынылмаған.
3 жағдайда Ресей Федерациясынан 20 тонна кебек пен 30 текше м. кесілген ағаш материалдары мен Өзбекстаннан 5,4 тонна анар импорттаған кезде орамдарда таңбалау болмай шықты. Бұған қоса Ресей Федерациясынан 40 тонна лимон импорты кезінде уәкілетті органның рұқсатынсыз жүру жолында өнімнің басқа мекен-жайға жіберілгені әшкере болған. Сондай-ақ Қытай Халық Республикасынан 58 тонна асқабақ ядросының тұқымын әкелу кезінде карантиндік өнім жарамсыз фитосанитариялық сертификатпен әкелінген.
«Әкімшілік кодекстің 400-бабына сәйкес, өсімдіктер карантині саласындағы заңнаманың бұзылуына жол берген кінәлі тұлғаларға әкімшілік материалдар толтырылып, 1,9 млн теңгеден астам сомаға айыппұл салынды. Сонымен қатар, жыл басынан бері Ауыл шаруашылығы министрлігі өсімдіктер карантині саласында 320 бұзушылықты анықтап, нәтижесінде 24 млн теңгеден астам сомаға әкімшілік айыппұл салынды», — деп мәлімдеді министрліктің баспасөз қызметінен.
