NCOC компаниясының БАҚ-пен қарым-қатынас орнату жөніндегі кеңесшісі Мөлдір Махмудаеваның айтуынша, компания 2016 жылы Қашаған кен орны қайта іске қосылғаннан бері 50 миллион тонна мұнай өндірісіне қол жеткізіп отыр.
Компания COVID-19 таралуын болдырмау мақсатында қабылданған қауіпсіздік шараларына байланысты, нысандардағы жұмыс күшінің шектеулі санына қарамастан, Қашағанды игерудің бірінші кезеңі шеңберінде тұрақты әрі сенімді мұнай өндіру барысын және жабдықтардың тұтастығын қамтамасыз етуде.
