«Қатаң карантин енгізілген жағдайда, 4 миллионға жуық адам жұмыс орнын сақтап қалады. 2,5 миллионға тарта қазақстандық қашықтан жұмыс істеуге көшеді. Тағы 2 миллион азаматтың жұмыс уақыты қысқарады. Біздің сарапшылардың бағалауынша, егер өткен жолғыдай қатаң карантин болса, 160 мыңға жуық адам жұмыстан шығып, жұмыссыз қалуы мүмкін.
Ресми статистикаға сүйенсек, бүгінде жұмыссыздық деңгейі 5%-ті құрап отыр. Бұл шамамен 454 мың адам. Егер сәуір-мамырдағыдай шектеу шаралары қатаңдатылса, онда жұмыссыздық 6%-ке жетуі мүмкін» деді министр онлайн-брифинг барысында.
