Орталық коммуникациялар қызметінде өткен онлайн-брифинг барысында Ершат Оңғаров биыл 30-31 шілдеге келіп тұрған Құрбан айттың 19 шілдеден кейін карантин созылған жағдайда қалай өтетіні туралы журналистердің сауалына жауап берді. Ол Ораза кезінде елде карантин болғанын, осыған орай ҚМДБ бірқатар шараларды енгізгенін еске салды.
«Иә, егер карантин созылса, онда, өкінішке орай, біз мешіттерде Айт намазын өткізе алмаймыз. Құрбан айт құрбандық шалумен ерекшеленеді. Мұны қашықтықтан да жасауға болады. Біз бұл үшін барлық жағдайды жасауға тырысамыз» деп түсіндірді ол.
