Мұндай қылмыстарды анықтауға және ашуға, сондай-ақ ұйымдастырушылар мен қатысушыларды ұстауға бағытталған шаралар кешені іске асырылуда. Осы орайда барлық өңірде интернет-алаяқтықтарды тергеу бойынша «Киберпол» мамандандырылған топтары құрылды. ҚР ІІМ Криминалдық полиция департаменті Киберқылмысқа қарсы күрес орталығының бастығы Жандос Сүйінбай ОКҚ алаңында осылай деді. Мәселен, жедел-іздестіру іс-шараларының кешенін іске асыру барысында 2023- жылдың соңында тек Астана қаласында 4 алаяқтық сall-орталық анықталып, жойылды. Олардың қызметкерлері тек жақын және алыс шет елдердің байланыс операторларының нөмірлеріне қоңырау шалғаны анықталды. Іздеу іс-шаралары барысында гарнитурасы бар 170-тен астам ноутбук, арнайы бағдарламалармен қорғалған желілік жабдық тәркіленді.
«Тәркіленген ноутбуктерде басқа құрылғыларға қашықтан қол жеткізуге арналған орнатылған қосымшалар фишингтік сайттарға сілтемелері бар файлдар, кестелер, IP мекенжайларын өзгертуге арналған қосымшалар табылды. Тергеу шеңберінде сараптамалар тағайындалып, халықаралық сауалдар жолданды. Шетелдік әріптестермен бірлесіп, шетелде жәбірленушілерді анықтау шаралары қабылдануда», – деді спикер.
Сонымен қатар, алаяқтық схемаларына отандастарымыздың қатысу деректері анықталды. Алматы облысында банктердің қауіпсіздік қызметкерлерінің атынан жасалатын интернет-алаяқтық жасауға қатысы бар 2 қазақстандық ұсталды. Олар қазақстандық байланыс операторының SIM-карталарын сатып алып, алаяқтарға WhatsApp мессенджерін іске қосу үшін кіру кодтарын берген. Бұл үшін олар 700- 1200 доллар сыйақы алған. Қазіргі уақытта тергеу әрекеттері жүргізіліп жатыр.
«Ағымдағы жылдың 16 - наурызында Алматы қаласында Украинадан келген алаяқтар ҚР аумағында қылмыс жасау кезінде пайдаланған нақты абоненттік нөмірлерді Sim-box жасыру мақсатында пайдаланылатын SIM - карталар массивін сақтауға арналған GSM-терминациялауға арналған жабдық анықталды. Алматы қаласының тұрғынына қатысты қылмыс ашылды, абақтыға жабылды», – деді ведомство өкілі.
8 наурызда жедел – іздестіру іс-шараларын жүргізу барысында Астана қаласы ПД киберқылмысқа қарсы күрес бөлімінің қызметкерлері интернет-алаяқтық жасауға қатысы бар ҚР азаматтарын анықтап, ұстады. Тінту кезінде 35 sim-карта, 6 банк картасы, 10 шақты ұялы телефон тәркіленді. 2023 - жылдың қараша айынан бастап «Instagram» қосымшасында ҚР 2 азаматы мен Өзбекстанның 1 азаматы ақшаны жылдам айналдыруды және кредиттерді ресімдеуге көмек көрсетуді ұсына отырып, аккаунттар құрғаны анықталды, ол үшін комиссия алып, азаматтарды алдады. Қазіргі уақытта тергеу әрекеттері жүргізілуде.
«Бүгінгі таңда алдын алудың ең тиімді шарасы азаматтардың ақпараттық және құқықтық сауаттылығын арттыру болып табылады. Сондықтан, біз сақтық шаралары туралы халықты ақпараттандыру бойынша ауқымды жұмыс жүргізіп жатырмыз. Тек ағымдағы жылы БАҚ-та профилактикалық сипаттағы 2.5 мыңнан астам материал жарияланды», – деп хабарлады спикер.
