Израиль әлемде бірінші болып халқына Covid-19 індетіне қарсы пероральды вакцина салатын болды. Осындай нанокапсуланы қазақстандық ғалым Қайсар Табыновтың жасап жатқаны белгілі болды.
«Бұл (нанокапсула әзірлеу – ред. түсіндірмесі) – өте қызық бағыт. Қазір осымен жұмыс істеп жатырмыз. Өткен ғасырдың 50-жылдары да вакцинаны ағзаға ине арқылы енгізген. Кейін профессор Чумаков бастаған бірнеше ғалымдар капсула түрінде вакцина ойлап тапты. Сол сияқты қазір бірнеше жаңа ұжым осымен жұмыс істеп жатыр. Сондай-ақ, мұрынға арналған тамшы түріндегі вакцина жасалмақ. Мұнда үлкен логика бар. Өйткені, коронавирус бірінші кезекте мұрынға жиналады.
Нанокапсуламен қазір Аграрлық университетте қазақстандық ғалым Қайсар Табынов жұмыс істеп жатыр. Өте қызық бағыт, әзірге толық жүзеге аспады. Бірақ, Израиль, Австралия, АҚШ ғалымдары нақты осы бағытты қолға алды. Ол жасала салысымен екпе егу процесі айтарлықтай жылдамдай түседі. Вакцина бұрынғысына қарағанда қолжетімді болады. Бұдан өзгеде, тазалықты қамтамасыз ету секілді талаптардан арыламыз. Адам жай ғана капсуланы жұтады. Логистика жағынан ыңғайлы және бұл қосымша қорғаныш қабатының пайда болуына тікелей әсер етеді» дейді ол.
