Министрдің сөзінше, кедейшілік пен жұмыссыздық деңгейі бойынша талдау нәтижелеріндегі тұрақты оң динамикаға қарамастан, соңғы екі жылда халықтың ақшалай табысының өсу қарқыны 2019 жылғы 6,4 пайыздан 2021 жылғы 2,9 пайызға дейін баяулаған.
«Сонымен қатар, еңбек етуден түсетін кірістің төмендеуі және әлеуметтік трансфеттердің кірісінің өсуі байқалады. Еңбек етуден түсетін табыстың үлесі соңғы он жылдағы 10,8 пайыздық тармаққа төмендеді, ал әлеуметтік трансфеттердің үлесі 10 пайыздық тармаққа өсті», — дейді ол.
Әлібек Қуантыров еңбек табысының өсуін қамтамасыз ету үшін денсаулық сақтау, білім беру, мәдениет, ғылым салалары жұмыскерлерінің орташа жалақысы көтерілетінін айтты.
2025 жылға дейін халықтың табысын арттыру бағдарламасы аясында шаралар тікелей және жанама болып бөлінетіні де айтылды.
«Тікелей шаралар — бюджет жұмыскерлерінің жалақысын көтеру және кірістердегі теңгерімсіздіктерді теңестіруге бағытталған. Жанамаға халықты жұмыспен қамтуға жәрдемдесу, кәсіптік даярлау, қайта даярлау, кәсіпкерлікті дамыту және басқалады», — деді ол.
Бұған дейін Қасым-Жомарт Тоқаев халықтың табысын арттыруды қамтамасыз ететін жоба жасауды тапсырған болатын. Елдегі кедейлікті төмендету үшін нақты шаралар қабылдау керегін атап өтті.
«Шаралар кешені қабылданып, халықтың табысын арттыратын бағдарлама жасалуы керек. Жұмыс нақты әрі мақсатты болуы тиіс. Әрбір басқару деңгейінде кедейлікті азайтудың нақты көрсеткіштері белгіленуі керек. Жұмысқа мұқтаж жандардың нақты санын анықтау қажет», — деді ол Мәжіліс отырысында.
