Халықаралық мүгедектігі бар адамдар күні БҰҰ Бас Ассамблеясының бастамасымен 1992 жылдан бері атап өтіледі. Бұл күннің мақсаты – әділ, инклюзивті, тең құқықты қоғам құрудың маңыздылығына назар аудару. Бұл – күн сайын мүмкіндіктердің шексіз екенін дәлелдейтін адамдардың күні. Жарыстарда жеңіске жететін спортшылар; ғажайып туындыларды өмірге әкелетін суретшілер мен музыканттар; әлеуметтік бастамаларды дамытып жүрген қоғамдық белсенділер мен кәсіпкерлер – барлығы да Қазақстанның дамуына елеулі үлес қосып қана қоймай, жаңа жетістіктер мен өзгерістерге шабыт береді.
