«Қазіргі таңда Қашаған кенішінде инвестициялық құны 370 млрд теңге болатын газ өңдеу зауыты құрылысының жобасы жасалып жатыр. Құрылыс жұмыстары 2021-2023 жылдар аралығында жүргізіледі деп болжанып отыр. Жоба жүзеге асатын болса, шикі мұнайдың сыртқа экспорты азаяды, өңделген мұнайдың экспорты артып, дайын мұнай-химия өнімдерін шығару ісі жолға қойылады. Сондай-ақ құрылыс кезінде 2800 жұмыс орны пайда болса, 600 жұмыс орны тұрақты болады» делінген облыс әкімдігінің баспасөз хабарламасында.
Айта кетейік, бүгінде республика бойынша тартылған инвестициядағы Атыраудың үлесі 28,2% құрап отыр. Бұл еліміз бойынша ең жоғары көрсеткіш.
