Жылыой аудандық полиция бөлімі мәлім еткендей, 9 қаңтар күні 1985 ж.т Жылыой ауданының азаматы белгісіз бағытқа шығып, осы уақытқа дейін үйіне оралмаған. Іс-түссіз жоғалған адам 9 қаңтар күні сағат 22:30 шамасында “коммунизм таңы жанындағы бейіттің қасында келе жатырмын, адасып кеттім” - деп анасына хабарласқан. Қазіргі таңда аудандық полиция бөлімі Төтенже жағдайлар қызметі және Әкімшілік қызметкерлерімен бірлесіп, жедел іздестіру жұмыстарын жүргізуде.
