Бұл туралы Express Qazaqstan мәлім етті.
— №38 мектеп директоры өз еркімен жұмыстан шығу туралы арыз жазды. Арызы қабылданып, жұмыстан шығарылды, — деп хабарлады Атырау қалалық білім бөлімі.
Осыған дейін №38 мектептің музыка пәнінің мұғалімі жұмыста қалу үшін директорға ай сайын 30-40 мың теңге пара беруге мәжбүр болған. Сыбайлас жемқорлыққа қарсы іс-қимыл агенттігінің Атырау облысы бойынша департаменті қылмыстық іс қозғап, кейін жауып тастаған. Мектеп директоры пара алғанын мойындамады.
