"33 сұрақты тізіп қойып, оған жауап алу мүмкін емес. Бұл референдум Конституция қабылданған кездегідей болады. Яғни,«Президент Тоқаев ұсынған түзетулерді қолдайсыз ба?» деген бір сұрақ жарияланады. Нақты «иә» және «жоқ» деген жауап болады.
1995 жылы халық қандай қоғамда өмір сүргісі келетінін таңдап алды. Заңнамалар партиялық жүйемен сайланған Парламент арқылы бекітілді. Ал бұл жолы бәрі басқаша болмақ. Қазақстан демократиялық жолға жаңадан түсіп жатыр. Бұқараның талап-мүддесі бірінші орынға шығады" деді ол журналистерге берген сұхбатында.
