Бірақ, бұл грантқа қол жеткізу оңай емес. Ол үшін ұсынылып отырған бизнес-жоба басқаларынан оқ бойы озып үздік деп танылуы шарт.
Доссордың сорына қияр да өседі
Біз әңгімелеп отырған отбасы жылыжайда қияр өсіруді қолға алған екен.
Жасыратыны жоқ, жұрт Мақатта ештеңе өспейді деп ойлайды. Алайда, кейіпкеріміз бұл пікірмен келіспейді.
«Өрле» жобасымен өркеніміз өсті
«Orle» жобасы шеңберінде өтетін тренингтерде қатысушылар бақша өсірудің негіздерін үйренді. Атап айтсақ, қандай агротехника қолданған дұрыс, көкөністі қалай өсіру керек, зиянды жәндіктерден қалай қорғануға болады – осының бәрін білікті мамандар айтып береді. Сондай-ақ, бизнес-жоспар құрудың жолдарын да біліп алуға болады.
Аталмыш жобаның Батыс Қазақстандағы, соның ішінде Атырау өңіріндегі ұйымдастырушылары – Орталық Азияның Еуразия қоры болып табылады. Бұл жобаны «Шелл Қазақстан» компаниясы қаржыландырады.
Мол мүмкіндіктер алаңы
Доссор кентіндегі «Череватенко» жеке кәсіпкерлігінің иесі Татьяна Череватенконың сөзінше, «Өрле» жобасы көптеген азаматтарға өздерінің сүйікті істерімен айналысуына жол ашып, жаңа мүмкінідктер ұсынып отыр.
Мойындаймын, басқа аудандармен салыстырғанда Мақатта егін шаруашылығын дамыту біраз еңбектенуді талап етеді. Бірақ, «талпынған жетер мұратқа» демекші, бұл да қолдан келетін іс. Мұны өз басымнан өткерген адам ретінде ашық айтып отырмын. Біздің бизнесте бір ғана қиындық кездесті, бұл – суару жүйесінің болмауы. Тіршілік нәрін алыстан арбалауға тура келді. Сөйтіп, алғашқы карнишондарымыз да дайын болып, енді оларды сатудың амалдарын іздедік. Алғашқыда дүкен иелері сатып алуға құлшыныс таныта қоймады. Олар қиярымызға сенімсіздікпен қарады. «Дәмі ащы емес пе?», «Іші қуыс болып шықпай ма?» деген сұрақтар жиі қойылды. Бірақ, бізге «сарафандық» радио көмекке келді. Яғни, «тегін жарнаманы» біздің өнімді жеп көрген жандардың өздері жасады. Ал, күз мезгілінің басында жұрттың бәрі көкөністер мен жеміс-жидектерді консервілеуге көшкенде біздің қиярымызға сұраныс еселеп артты! Болашақта тағы бір жылыжай салып, кәсібімізді кеңейткіміз келеді. Нақтырақ айтсам, алда қызанақ пен бұрыш өсіруді жоспарлап отырмыз. Осылайша, Доссор тұрғындарын отандық сапалы өніммен қамтуды үзбейтін боламыз.
«Шелл-Қазақстан» компаниясынан көмек
«Шелл-Қазақстан» компаниясы Батыс Қазақстан және Атырау облыстары жергілікті қауымдастықтарының дамуына төрт жылдың ішінде 81 млн теңгеден астам инвеситиция бөлді. Қолдауды Орталық Азияның Еуразия Қоры (ОАЕҚ) 2021 жылдан бері іске қосқан «Өрле» жобасы арқылы көрсетті. 2021-2025 жж. жобаны жүзеге асыру арқылы 253 жергілікті тұрғын қолөнер мен жылыжайда көкөніс егу бойынша тәжірибелік дағдыларды қалыптастыратын тренингтерден өтті.
Жобаға 18 жастан асқан әлеуметтік осал топтағы (көпбалалы отбасылар, балаларын жалғыз тәрбиелейтін ата-аналар, мүгедектігі бар адамдар, мүгедектігі бар балаларды тәрбиелейтін ата-аналар, репатрианттар /қандастар/, сондай-ақ, табысы төмен азаматтар) жастар, әйелдер мен ерлер қатысты.
Былтыр Атырау облысы Мақат және Махамбет аудандарының жылыжай салуға қаржылай қолдауға иеленген жеті тұрғыны қазір егу жұмыстарын жүргізуде. Жоғарыда аталған аудандардың 22 тұрғынына 2022-2024жж ауыл шаруашылығы саласында жеке іс жүргізу мақсатында «Өрле» жобасы шеңберінде 47 млн теңгеден астам бөлінді. Нәтижесінде, жергілікті шаруалар табысын орта есеппен 27%-ға арттыра алды.
Айта кетейік, ОАЕҚ – 2005 жылы аймақта құрылған үкіметтік емес ұйым. ОАЕҚ жергілікті қауымдастықтарды нығайту мен азаматтық және экономикалық әл-ауқатты жақсарту арқылы азаматттардың өз болашағын құруда белсенді қатысуға көмектесу үшін қоғамдық және жеке ресурстарды жұмылдырады. Ал, «Шелл» – энергетика және мұнай-химия саласындағы компаниялардан құралған, 70-тен астам елде 80 000-нан астам қызметкері бар жаһандық концерн. Озық технологияларды және жаңашыл әдістерді пайдаланып, тұрақты энергия болашағын құруға үлесін қосады. 2023 жылы «Шелл» концернінің Қазақстан Республикасындағы табысты қызметіне 30 жыл толды. «Шелл-Қазақстан» туралы қосымша ақпаратты www.shell.com.kz сайтынан табуға болады.
«Жұмыстан қысқарып, жеміс өсірдім»
Мақаттық тағы бір кәсіпкер Айсұлу Күлімжанова көкөніс пен жеміс-жидек өсірумен ширек ғасырдан бері айналысып келеді екен. Ол бұл саланы бес саусағындай біледі. Кейінгілерге айтар ақыл-кеңесі де аз емес.
Р.S.
Иә, біз тілдескен жандардың қай-қайсысы да өз шындығын айтып отыр. Ендеше, «еңбек етсең ерінбей, тояды қарның тіленбей» деген халық нақылы жергілікті жастарға терең ой салар деген үміттеміз.
