Отбасының үлкені - Бахтиярхан 22 жаста. Ол артынан ерген інілері мен қарындасына үлгі болып келеді. Жауапкершілік, тәртіп пен өзін-өзі дамытуға деген ұмтылыс - оның өмірлік ұстанымы. Айта кетерлігі, қарындасы да шет тілдеріне қызығып, бес тілді меңгерген. Бұл отбасыда әкенің «Тіл білген адам өмірде өз жолын табады» деген тәлімі нақты нәтижесін беріп отыр.

Қатардағы Тұрсынходжаевтың айтуынша, бір тілді меңгеру үшін оған орта есеппен екі-үш ай уақыт қажет. Мерзімді әскери қызметін өтеп жүрсе де, ол оқуын тоқтатпайды. Әскери бөлімнің командирлері де сарбаздың ізденісін қолдап, қажетті шетелдік әдебиеттерді табуға көмектеседі.

Бахтиярханның жетістіктері тек тіл білімімен шектелмейді. Ол ушу-саньда спортынан спорт шебері, Қазақстан Республикасы чемпионатының қола жүлдегері. Спорт пен тіл үйрену - оның өмір салтының ажырамас бөлігі.

Бос уақытында Бахтиярхан қарулас достарына шағын тіл үйрену сабақтарын өткізіп, өз білімімен бөліседі. Бұл ол үшін басқа тілде ауызекі сөйлеу деңгейін жетілдіруге мүмкіндік болса, енді бірі үшін жаңа тілді меңгеруге жасалған алғашқы қадам.

Айта кетерлігі, Имран осы олимпиадаға 5-сыныптан бері үзбей қатысып, жоғары сыныптардың есептерін шешіп келеді. Бұған дейін де ол жеңіс тұғырынан көрініп, 2, 3-орындарды иеленген.

Бұл сериал пойыздағы шынайы өмірді, жолсеріктердің күнделікті қызу тірлігін көрсетеді. Осы арқылы мыңдаған жолаушының жайлылығы үшін барын сала еңбек етіп жүрген жандарды терең тани түсеміз. Бұл өмірде бәріміз – жолға шыққан жолаушымыз, ал пойыздағы сапардың қызықтары таусылмас әңгімеге айналады. 

Басты кейіпкер – темір жолда көп жыл қызмет еткен тәжірибелі жолсерік. Ал жаңа қосылған жас та жігерлі әріптестер ескі тәртіпті өзгертуге тырысады. Тәжірибе мен жаңашылдық тартысқа түскен ұжым ортақ шешімдер іздеуге мәжбүр болады. Сериалда танымал актерлерден Алмат Сақатов, Еділ Анарбай, Гүлшат Такежанова ойнайды.

Тағы бір қызықты тұсы, өмірде теміржол саласында жұмыс істейтін жолсерік сериалда өз рөлін сомдайды. Оның нақты кім екенін білу үшін міндетті түрде сериалды көру керек. Түсірілім Алматыдағы темір жолда, теміржол станцияларында өтті, сондықтан әр кадрдан шынайылық сезіледі. Жолаушылар мен жолсеріктердің бастан кешкендері арқылы нағыз өмір көрсетіледі. 

15 бөлімдік қызықты әрі шуақты сериал ешкімді бейжай қалдырмайды. Премьераны 12 қаңтар күні кешкі сағат 22:00-де «Хабар» арнасынан көріңіздер!

Бұл – уақытша науқан немесе сырттан таңылған талап емес, ауыл ақсақалдары мен абыз қарияларының бастамасымен қалыптасқан, тұрғындардың ортақ өмірлік ұстанымына айналған саналы шешім. https://youtu.be/Fv3y5Ycisus Бұл таңдаудың нәтижесі қоғамдық тәртіптің сыртқы бақылаудан емес, ішкі мәдениет пен жеке жауапкершіліктен басталатынын айқын көрсетті. Соңғы жылдары ауыл аумағында бірде-бір қылмыс тіркелмеген. Мұның өзі Биғаш тұрғындарының заң мен тәртіпке деген құрметінің жоғары деңгейін дәлелдейді. Ауылда бейбіт өмір, өзара сыйластық пен сенімге негізделген орта қалыптасқан.

Ғасырлар бойы жалғасып келе жатқан ұлттық дәстүр мен өмірлік даналықты берік ұстанған ақсақалдар ауыл халқына қарапайым, бірақ аса маңызды қағиданы ұғындыра білді: тәртіп ешқашан күшпен орнықпайды, ол ең әуелі адамның өз ішінен бастау алады. Ақсақалдардың ақылы – бағыт-бағдар болса, олардың өнегелі өмірі – тұрақты өзгерістердің сенімді тірегі.

Бүгінде Биғаш ауылы тәртіптің, жауапкершіліктің және рухани кемелдіктің жарқын үлгісіне айналды. Қай жерде тәртіп орнаса, сол жерде заң үстемдік етеді. Ал заңды қоғамның өзі қолдаған ортада шынайы береке мен бірлік нығаяды. Биғаш ауылы – бірлікке, дәстүрге деген құрмет пен саналы таңдауға сүйене отырып, өмірді жақсы жаққа өзгертуге болатынын дәлелдеген өңірдің шынайы мақтанышы.

TikTok платформасында жарияланған бейнеролик 100 мыңға жуық қаралым жинап, 8 мыңнан астам лайкқа және 1 200-ден астам жылы пікірге ие болды. Көрермендер бейнероликті жылы қабылдап, әннен шынайы эмоция мен жүректен шыққан сезімді сезінгендерін жазды. Александр Нетесов — Ұлттық ұланның Ән-би ансамблі Ерлер хорының солисі әрі концертмейстері. Оның мемлекеттік тілдегі орындауын желі қолданушылары жүрекке жететін, шынайы және қазақ халқының мәдениеті мен дәстүріне терең құрметке толы деп бағалады. Көпшілік "Анашым" әнінің оның орындауында ерекше әсерлі, жан тебірентерлік шыққанын атап өтті. Александрдың қазақ тіліне қызығушылығы бала кезінен басталған. Ол Ресейдің Кемерово қаласында дүниеге келіп, төрт жасында анасымен бірге оның туған жеріне қоныс аударған. Балалық шағы өткен шағын ауылда күнделікті қарым-қатынас қазақ тілінде өрбіген. Сол ортада өскен бала айналасындағылармен бір тілде сөйлесуге тырысқан.

Бүгінде қазақ тілі Александрдың шығармашылық жолында да айрықша орын алады. Ұлттық ұлан ансамблінің репертуарында қазақ тіліндегі шығармалар мол. Солардың бірі — ұжымның визиттік карточкасына айналған "Туған жер" әні. Бұл туындымен ансамбль елдің алғашқы тұлғалары мен шетелдік қонақтар алдында өнер көрсетіп, Ақтөбе қаласында өткен байқауда Гран-при иеленген.

Александрдың айтуынша, қазақ тілін меңгеру халықтың мәдениеті мен болмысын терең түсінуге жол ашады. Ол күнделікті өмірде қазақ тіліндегі әндер, мақал-мәтелдер мен тұрақты тіркестерді орыс тіліне қарағанда жиі қолданады. Сонымен қатар ол ағылшын тілін де еркін меңгерген және тіл үйренудің адамның мүмкіндігін кеңейтетініне сенімді.

Александр Нетесовтың Ұлттық ұландағы қызметі, мәдениетке құрметі және жеке ізденісі өнер мен тіл арқылы адамдарды жақындастыра алатын тұлға қалыптастыратынын айқын көрсетеді. 

Дінмұхамед Лесбеков бұл құбылысты «лас жаңбыр» немесе «күйе араласқан жаңбыр» деп атауға болатынын атап өтті. Айтуынша, ол – жаңбырдың химиялық уыттылығын білдірмейді, бірақ ауада зиянды бөлшектердің көп болғанын көрсетеді. 

Сондай-ақ ол атмосфералық ауа сапасының мониторингі тұрақты негізде жүзеге асырылатынын атап өтті. Қалада ауаның жағдайын жедел бақылауға мүмкіндік беретін 16 мониторинг станциясы жұмыс істейді. Өзекті ақпаратты AirKz мобильді қосымшасынан немесе AirKaz.org сайтынан алуға болады.

Ал Алматы әкімдігі кешегі жаңбырдан кейін IQAir деректеріне сәйкес, қаланың ластану көрсеткіші едәуір жақсарғанын хабарлады.

Бұл туралы "Қазақпарат" Ханчжоу үкіметінің порталына сілтеме жасай отырып хабарлады. Робот 1 желтоқсанда Ханчжоудың Биньцзян ауданындағы қиылыста жұмыс істей бастады. Ол жол полициясының стандартты қимылдарын орындайды және жол қозғалысы ережелерін бұзған жүргізушілер мен жаяу жүргіншілерге ескерту жасау үшін дауыстық хабарламалар пайдаланады.

Жол полициясының өкілі Чжан Ваньчже Хансин-1 қозғалыстары нақты жол полициясының қимылдарына негізделгенін және жасанды интеллект моделі нақты жол жағдайында оқыту арқылы біртіндеп жетілдіріліп жатқанын түсіндірді.

Робот жүйесі бағдаршамдарға қосылған және бағдаршамның өзгеруіне байланысты жұмыс режимін өзгерте алады. Компьютерлік көру модулі оған велосипедшілерді қоса алғанда, моторсыз көлік жүргізушілерінің заңбұзушылықтарын анықтауға мүмкіндік береді.

Құрылғы батареясының қызмет ету мерзімі әлі жарияланған жоқ. Сонымен қатар, Қытайдың Юньнань провинциясы сияқты басқа аймақтарында қолданылатын ұқсас полиция роботтары әдетте бір рет қуатталған соң алты-сегіз сағат жұмыс істейді. Болашақ нұсқалары операциялық сценарийлерге бейімделіп, халыққа ыңғайлырақ қызметтерді ұсынады.

Бұл құралды енгізу рәсімдердің ашықтығын қамтамасыз етіп, барлық кезеңдерде адами факторды жояды, мүгедектік тобын анықтау кезіндегі сыбайлас жемқорлық тәуекелдерін барынша азайтады.

Қазіргі уақытта ЖИ моделін оқыту, электрондық құжаттарды ұсыну үшін ақпараттық жүйелерді интеграциялау, клиникалық диагнозды растайтын барлық емдеу-диагностикалық, зертханалық және аспаптық зерттеулерді цифрландыру және құрылымдалған түрде беру жұмыстары жүргізіліп жатыр.

Дайындық кезеңі аяқталғаннан кейін куәландырудың жаңа форматын пилоттық режімде апробациялау жоспарлануда.

Керімағаш тәжірибесі “Заң мен тәртіп” мемлекеттік тұжырымдамасының қағидаттарын нақты іспен дәлелдейді. Себебі нағыз тәртіп — адамның ішкі мәдениетінен, өзін-өзі құрметтеуден және отбасына, қоғамға деген жауапкершіліктен бастау алады.

Ауыл тұрғындары тыныштық дегеніміз — қиындықтың жоқтығы емес, ол — ақылдың тазалығы мен ізгі істерге бағытталған күш екенін өмірімен дәлелдеп келеді. Зиянды әдеттерден ада ортада мақсат айқын, еңбек пен білімге, рухани және жеке дамуға деген талпыныс артады.

“Ақыл мен сабыр — елдің сәні”, — деген ұлы ойшыл Абай Құнанбайұлының сөзі Керімағаш тұрғындарының өмір салтымен үндесіп жатыр. Шынында да, парасат пен төзім ғана берік болашақтың негізін қалайды.

Арақ — адамның денсаулығына ғана емес, тұтас ұлттың келешегіне қауіп төндіретін дерт. Сол себепті Керімағаш бүгінде саналы өмір мен рухтың күші жеңіске жеткен ауыл ретінде танылып отыр. Мұнда өсіп келе жатқан жас буын уақытша ләззат емес, спортты, еңбекті және отбасылық құндылықтарды таңдайды.

Керімағаш тұрғындары өз өмірімен дәлелдеп отыр: сергектік — бұл шектеу емес, еркіндік. Ол — ойдың анықтығы, мақсатқа жету мен сеніммен алға басудың кепілі. Бұл ауылдың тәжірибесі Қазақстанның өзге өңірлеріне де үлгі болып, ел бірлігі мен тәртіпке үндейтін өнегелі бастамаға айналуда.