Теңіз әлемдегі ең бірегей мұнай кен орындарының бірі. Оның алып аумағында жұмыс әркімге жетеді: мұнай-газ кешендерінде, өндірістік алаңдарда, құрылыс объектілерінде, тұрмыстық поселкелерде – барлық қызметкерлер вахталық әдіспен жұмыс істейді, өйткені өндіріс тәулік бойы тоқтаусыз жұмыс істеуі тиіс.
36 жастағы ТШО-ның мұнай мен газды бөлу кешендік технологиялық желілерінің негізгі жөндеу координаторы Қайрбек Мендешев компанияда 14 жылдан бері еңбек етеді, оның 8 жылы вахтада өткен. Бүгін біздің кейіпкеріміз ТШО компаниясының вахталық қызметкері болу деген не екенін айтып берді.
Оның айтуынша, вахталық әдіс стандартты бес күндік жұмыс кестесінен түбегейлі өзгеше. Вахта дегеннің не екенін білмейтін адам үшін бастапқыда үйрену қиын. Кейбіреулер үшін үйден алыс жұмыс істеу – үлкен сынақ, және ол сынақтан Қайрбек те өткен. Қазір ол, өзімен қатарластар сияқты, бес күндік жұмысқа қайта оралғысы келмейді.
Қайрбек Мендешев ТШО-ға 2010 жылы жұмысқа тұрған. Екі тестілеу және бір сұхбат нәтижесінде оны бірден оператор қызметіне қабылдады. Кейін өз мақсаткерлігі мен коммуникабельділігі арқасында ол аға оператор, содан кейін басқару пультінің операторы болып, қазір негізгі жөндеу координаторы қызметін атқарады. Бастапқы кезеңде тілдік кедергі болған.
Шынында да өкінетін ештеңе жоқ, өйткені компания тек жұмыс орнында емес, қызметкерлерінің өмірінде де барлық жағдайды жасайды. Жоғары жалақылар мен нәтижеге байланысты бонустар түрлі аймақтардан адамдарды тартады, сондықтан ТШО – Қазақстандағы ең тартымды жұмыс беруші. Қайрбек Мендешевтің айтуынша, ТШО-да ең жақсы әлеуметтік пакет бар. Онда мыналар қамтылған: тұрғын үй алу үшін пайызсыз несиелер, отбасының тікелей мүшелеріне таңдау бойынша медициналық қызмет, фитнес бағдарламалары, балалардың демалысына шығынның бір бөлігін өтеу, қызметкерлердің талантты балаларын Қазақстан университеттерінде оқыту. Сондай-ақ, қызметкерлердің балалары үшін балабақша салынған. Коллективтік келісім бойынша жыл сайын оздоровительные төлемдер де қарастырылған. Барлығы қызметкерлерге қолдау, қамқорлық және қауіпсіздікті сезіну үшін жасалған.
Кәсіби өсуінен бөлек, ТШО-да жұмыс тұрақты өмір сүру ретін қамтамасыз етеді. Кез келген жас қызметкер корпоративтік рухты және жалпы мақсатқа ұмтылуды тез қабылдайды. ТШО-да бұл түсінік жалпы жетістік – жеке кәсіби өсу мен әл-ауқат кепілі екенін біледі.
Қайрбекті үйде анасы мен жұбайы Жадыры төрт бала күтеді. Күйеуі жұмыстан шыққан соң барлық отбасы істері оның нәзік иығына түседі: балаларды балабақша мен мектепке апару, үйірмелер мен секцияларға жеткізу, кешкісін үй жұмысы – тамақ пісіру, киім жуу, үтіктеу, шам орнату, ауладағы қарды тазалау. Жұмысқа оралғанда әрқашан шағын отбасы мерекесі күтіп тұрады: дастархан басында сүйікті тағамдар мен дәмді шайдың айналасында ұзақ әңгімелер болады. Вахтадан кейін демалысқа шыққанда 28 күндік еңбек демалысы жаңа «медовый айға» айналады.
Жаңа жыл – вахталық қызметкерлердің сүйікті мерекесі. Олар үлкен отбасы сияқты мерекелік дастархан жайып, ең жылы тілектерді айтып, кейін туған-туысқа қоңырау шалады.
Оның айтуынша, ТШО Қазақстандағы басқа ірі компаниялардан ерекшеленеді: қызметкерлеріне жоғары талап қоя отырып, оларды мықты әрі бәсекеге қабілетті етеді. Кадрларды дамытуға ерекше көңіл бөлінеді. Үздіксіз оқыту және дамыту бағдарламалары арқылы ұлттық қызметкерлердің жауапты лауазымдарға көтерілуі арта түсті. ПБР-ПУУД персоналы есепке алынғанда, ТШО штатында 95% – қазақстандықтар. 1993 жылы бұл көрсеткіш 50% болған. ТШО өндірісте қауіпсіздік пен қызметкерлердің әл-ауқатына ерекше мән береді. Компания объектілерінде заманауи өндірісті басқару технологияларын енгізді, жұмыс стандарттарын жоғарылатты, бұл тәжірибені мердігерлерге де үйретіп, олардың дамуын ынталандырады. Бүгінде ТШО қызметкерлерді оқытуға 95 миллион доллардан астам инвестиция салған.
Әділет ҚАНАТҰЛЫ
