Дені сау ұлт – бұл тек халықтың өмір сүру ұзақтығы мен денсаулығы жақсы ғана емес, сонымен қатар қоғамның әл-ауқатын, экономикалық даму деңгейін, білім сапасын және әлеуметтік тұрақтылығын айқындайтын басты факторлардың бірі. Қазақстан үшін дені сау ұрпақ – елдің қуатты болашағының негізі. Дені сау ұлт болашақтың жарқын болуын қамтамасыз етеді, өйткені әрбір азаматтың денсаулығы қоғамның әлеуетін арттырады, еңбек өнімділігін жоғарылатады және жалпы халықтың әл-ауқатын жақсартады. Қазіргі таңда ҚазҰУ-да салауатты өмір салтын насихаттауға бағытталған шаралар көптеп өткізіліп, денсаулықты сақтау және нығайтуға арналған шаралар көптеп іске асырылуда.Университетіміз бұл бағытта үлкен жұмыстар атқарып, салауатты өмір салтын қалыптастыруға арналған шаралар ұйымдастыруда. Денсаулыққа қатысты білімді арттыру, білім алушыларды дұрыс тамақтануға, спортқа тартуға байланысты түрлі бағдарламалар жүзеге асырылуда.
Осы жайтты ескере отыра,заң факультеті қылмыстық құқық,қылмыстық іс жүргізу және криминалистика кафедрасы БҰҰ-ның Тұрақты даму мақсаттары 3-мақсаты «Жақсы денсаулық және салауатты өмір салты» шеңберінде белсенді жұмыс атқаруда. Кафедрамызда салауатты өмір салтын насихаттаудың белсенді жұмыстарын жүргізу үшін түрлі бағдарламалар іске асырылуда. Мысалы, білім алушылар арасында спортты дамыту, денсаулықты қорғау шараларын ұлғайту, сондай-ақ дұрыс тамақтану мен дене шынықтыруға қатысты түрлі шаралар өткізілуде. Осының нәтижесінде, студенттер арасында салауатты өмір салтына деген қызығушылық артты.Дені сау ұлт қалыптастырудағы ең маңызды қадамдардың бірі-жастарды салауатты өмір салтына баулу.
Денсаулық - ұлттың басты құндылықтарының бірі. Халықтың денсаулығы жақсы болған сайын, қоғамда еңбекке қабілетті адамдардың саны артып, олардың еңбек өнімділігі жоғарылайды. Бұл экономикаға оң әсер етеді, себебі елдің дамуы дені сау азаматтар арқылы жүзеге асады.
Сондай-ақ, денсаулығы мықты азаматтар өздерін түрлі әлеуметтік қызметтерде де жақсы көрсетіп, қоғамдағы түрлі мәселелерді шешуге атсалысады. Салауатты өмір салты – денсаулықты сақтау мен нығайтудың негізі. Оған дұрыс тамақтану, физикалық белсенділік, темекі мен алкогольден бас тарту, үнемі денсаулық жағдайын тексеріп отыру секілді маңызды аспектілер кіреді.Дені сау ұлт — бұл елдің қуатты болашағының негізі. Денсаулық сақтау жүйесін нығайту, экологиялық мәселелерді шешу, жастарды салауатты өмір салтына баулу, дұрыс тамақтану мен физикалық белсенділікті арттыру арқылы дені сау ұрпақ тәрбиелеуге болады. Мемлекет пен қоғам бірігіп, бұл міндеттерді орындаса, еліміздің болашағы жарқын болады. Сондықтан әрбір азаматтың денсаулығын сақтау, оған қамқорлық жасау, салауатты өмір салтын қалыптастыру — мемлекеттің табысты дамуының негізгі кепілі.
Мухамадиева Г.Н.
Әл-Фараби атындағы ҚазҰУ Заң факультеті қылмыстық құқық, қылмыстық
іс жүргізу және криминалистика кафедрасының доценті,з.ғ.к
Махсутхан Жан
Әл-Фараби атындағы ҚазҰУ Заң факультетінің студенті
