Әсіресе, Тұрақты даму мақсаттары аясында ұйымдастырылған іс-шаралар жастарды әлемнің басты проблемаларына назар аударуға, сондай-ақ оларды шешу жолдарын іздеуге ынталандырады. Осыған орай, кафедраның білім алушылары «ТДМ-3: Барлық жерде денсаулық пен әл-ауқатты қамтамасыз ету» мақсатында пікір алмасып, өз ойларын білдірді.
Бұл мақсат адам өмірінің сапасын арттыру, денсаулық сақтау жүйесін нығайту, аурулардың алдын алу, сондай-ақ қолжетімді және сапалы медициналық қызметтермен қамтамасыз ету мәселелерін қамтиды. Кафедрамыздың студенттері осы мақсатты талқылау арқылы қоғамдағы денсаулық сақтау жүйесінің жағдайы мен оның дамуына қатысты өз пікірлерін білдірді. Бұл мақсаттың іске асуы үшін денсаулық сақтау саласындағы инфрақұрылымды жақсарту, әрбір адамға медициналық қызметтің тең әрі сапалы болуы қамтамасыз етілуі керек. Білім ордасының студенттері ТДМ-3 аясында денсаулық сақтау жүйесінің теңсіздігі мен оның тиімділігін арттыру мәселелерін көтерді.
Сонымен қатар, олар денсаулықты сақтау мен аурулардың алдын алуға байланысты білім беру бағдарламаларының маңыздылығын атап өтті.
Талқылау барысында денсаулық сақтау саласындағы теңдік пен әділеттілік мәселелеріне тоқталды. Көптеген студенттер денсаулық сақтау саласында дамушы елдер мен дамыған елдер арасындағы айырмашылықтарды атап өтіп, мұндай теңсіздікті жою үшін нақты қадамдар қажет екенін айтты. Олар денсаулық сақтау қызметтеріне қолжетімділікті қамтамасыз ету, медициналық қызметтерді жетілдіру, дәрі-дәрмектердің бағасын төмендету және денсаулық сақтау саласындағы мамандардың кәсіби біліктілігін арттыру қажеттілігіне назар аударды.
Сонымен қатар, студенттер ТДМ-3 мақсатын іске асыру жолында денсаулықтың алдын алу шараларын күшейту маңызды екенін атап өтті. Бұл – дұрыс тамақтану, спортпен шұғылдану, экологиялық жағдайды жақсарту және денсаулыққа қатысты білім беру іс-шараларын ұйымдастыру.
Студенттердің пікірінше жастардың рөлі жоғарыда аталған мақсатты жүзеге асыру маңызды. Олар қоғамда денсаулық сақтау саласындағы мәселелерді түсіндіру, денсаулықты сақтау және аурулардың алдын алу жолында үгіт-насихат жұмыстарын жүргізуге тиіс.
Сонымен қатар, жастар өз білімдері мен шығармашылық қабілеттерін пайдалана отырып, осы мәселелерді шешуге өз үлестерін қосуы керек.
Жастарды денсаулық сақтау саласындағы түрлі зерттеу жұмыстарына қатыстыру, денсаулықты сақтау мен әл-ауқаттың маңыздылығын түсіндіретін жобаларды іске асыру арқылы студенттер қоғамда осы мәселе туралы көпшілік ойларын өзгертуге ықпал ете алады. Білім ордасының студенттері талқылау барысында денсаулық сақтау саласындағы проблемаларды шешудің түрлі жолдарын қарастырды. Олар денсаулық сақтау қызметтерін теңдестіру, медициналық қызметтердің сапасын арттыру, аурулардың алдын алу, экология мен салауатты өмір салтына ерекше назар аудару қажеттілігін ұсынды. Студенттер үшін бұл талқылау тек теориялық білім ғана емес, сонымен қатар өмірде қолданылатын практикалық маңызы бар мәселелерді қамтыды.
ТДМ-3 мақсатын іске асыру – әрбір адам мен қоғамның ортақ міндеті. Кафедра студенттері осы мақсатты жүзеге асыруда өз үлестерін қосып, денсаулық пен әл-ауқатты қамтамасыз ету бағытындағы жұмыстарға белсенді қатысатын болады. Болашақ мамандардың бұл мақсатты жүзеге асыруға ықпал етуі еліміздің денсаулық сақтау жүйесінің жақсаруына және әлемдегі жалпы әл-ауқаттың артуына өз септігін тигізеді.
Б.Калымбек,
әл-Фараби атындағы ҚазҰУ-дың заң факультеті кеден, қаржы және экологиялық құқық кафедрасының заң ғылымдарының кандидаты,қауымдастырылған профессор
