«СК-Фармация» өтінім беруші компанияның алдын ала қорытындыларына сәйкес 1727 дәрілік препарат атауын сатып алу қажет. 1581-і бойынша жеткізу шарттары жасалды. Жеткізу желтоқсан айында басталды, тауарларды беру 4 қаңтарда басталды. Бірыңғай дистрибьютор дәрі-дәрмекпен қамтамасыз етуді мүмкіндігінше ертерек бастау үшін барлық шараларды қабылдады. Бұл туралы Орталық коммуникациялар қызметінде өткен баспасөз конференциясында денсаулық сақтау вице-министрі Ержан Нұрлыбаев мәлімдеді. Қалған препараттар бойынша сатып алу жалғасуда.
Вице-министр 57 млрд теңге үнемделгенін атап өтті, алдағы уақытта бұл сома тағы да ұлғаяды. Бұл қаражаттың барлығы қазақстандықтар үшін дәрілік препараттардың қажетті көлемін қамтамасыз етуге бағытталады.
Дәрілік препараттарға өтінімдерді қалыптастыру процестерін оларды дербестендірілген есепке алу қажеттілігіне қарай цифрландыруға ерекше назар аударылды. Өтінімді учаскелік терапевт жасай бастайды, тағайындалған емдеу схемасына сәйкес жекелеген пациентке жылдық өтінім қалыптастырылады. Одан әрі каскадтық әдіс бойынша қалыптастыру емханалар, қала, облыс бөлінісінде дәрілік қамтамасыз етудің ақпараттық жүйесінде жүргізіледі.
Препаратты беру кезінде сәйкестендіру әдістері, оның ішінде биометриялық технологиялардың көмегімен пайдаланылатын болады. Азаматтардың мүмкіндіктері мен жас ерекшеліктерін ескере отырып, бірнеше әдіс қолданылады.
2024 жылы Қазақстанда дәрілік препараттарға баға белгілеу жүйесін жетілдіру мәселелері белсенді талқыланды. Республика аумағында сатылатын дәрі-дәрмектердің объективті құнын қалыптастыру үшін баламалы ақпаратты пайдалануға негізделген ашық және тиімді тетіктерді құруға басты назар аударылды. Ержан Нұрлыбаевтың айтуынша, бағаны қалыптастыру процесі толығымен цифрландырылған, бұл өтініш берушінің баға белгілеумен айналысатын сарапшылармен тікелей байланыс қажеттілігін болдырмайды.
Бизнес-процестерді қайта құруға ерекше назар аударылды, өйткені алдыңғы жүйе 5 жылға дейін созылуы мүмкін процестің көлемі мен ұзақтығы үшін сынға ұшырады. Денсаулық сақтау министрлігінің міндеті фармацевтикалық нарыққа қатысушы өтініш берушілер үшін барынша жайлылықты қамтамасыз ете отырып, цифрлық технологияларды және «бір терезе» қағидатын пайдалана отырып, процестерді оңтайландыру болды.
«Бір терезе» қағидаты бойынша реинжиринг жүргізілді. Нәтижесінде өтініш беруші түпкілікті тіркеу куәлігін алады, дәрілік препараттың шекті құнын анықтаудан және өтініш берушінің өтінішіне сәйкес берілген өтінімді ескере отырып, барлық қолда бар тізімдерге енгізуден бірден өтеді. Яғни, қазақстандық ұлттық формуляр, амбулаториялық дәрі-дәрмекпен қамтамасыз ету тізімі және СК-Фармацияның бірыңғай дистрибьюторы номенклатурасының тізбесі. Осылайша, тетік 2025 жылдың ішінде іске асырылады, қыркүйекте таныстырамыз», – деп атап өтті спикер.
Аталған модель бойынша жаңғырту қазірдің өзінде кезең-кезеңімен өтіп жатыр. Нәтижесінде, рәсімдерді оңайлату мен автоматтандыруды қоса алғанда, дәрілік заттарды тіркеу процестерінің реинжинирингі препараттардың нарыққа шығу уақытын 5 жылдан 2 жылға дейін қысқартуға мүмкіндік береді. Бұл пациенттерді жаңа және тиімді дәрі-дәрмектермен уақытылы қамтамасыз етуді жақсартады.
Макроэкономикалық көрсеткіштер, климаттық-географиялық және көліктік-логистикалық ерекшеліктер бойынша Қазақстанға ұқсас елдердің халықаралық тәжірибесі зерделенді.
