Оның айтуынша, соңғы екі жыл ішінде 120-дан астам түрлі дөңгелек үстел, форумдар мен талқылаулар, оның ішінде Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі комиссия алаңында жиындар өткізілді. Бұл туралы Орталық коммуникациялар қызметі мәлім етті. Жалпы, қоғамда барлық дауды құқықтық салада шешу керек, ал зорлық-зомбылыққа жол берілмейді және ол заңмен қудалануы керек деген нақты пікір қалыптасқан.
Бұл заң жобасы қоғамның сұранысын іске асыруға бағытталған және Мемлекет басшысының Ішкі істер министрлігінің алқасында отбасылық-тұрмыстық зорлық-зомбылық үшін жауапкершілікті қатаңдату қажеттігін ерекше атап өткені кездейсоқ емес.
«Заңның бірегейлігі мынада: ол отбасылар мен балаларға көмек көрсету инфрақұрылымын құрудан, зорлық-зомбылықтың алдын алудан (ерте анықтаудан), зорлық-зомбылық құрбандарына көмектесуден, сондай-ақ бала құқықтарын қорғау саласындағы мемлекеттік бақылауды күшейту жөніндегі нормалардан тұратын шаралар кешенін қабылдауды көздейді», - деді спикер.
Заң аясында қылмыстық, қылмыстық іс жүргізу және әкімшілік кодекстерге көптеген түзету енгізілді.
