Cинтетикалық есірткіні жасыру әдісі (закладка) арқылы сатумен айналысқан күдіктілердің тұрғын үйін тексеру кезінде 1 дана орама және қала аумағында жасырын тығылған 29 орама тәркіленген.
Сараптама қорытындысына сәйкес 1 дана орама заттың ішінде құны 5 млн теңге болатын а-PVP синтетикалық есірткісі екені анықталды.
Тексеру жұмыстары кезінде күдікті қыздардың Атырау қаласына 2023 жылдың қараша айында синтетикалық есірткі сататын интернет дүкеніне жұмысқа орналасу мақсатында келгені белгілі болды.
Қазіргі уакытта күдіктілерге қатысты "күзетпен ұстау" түріндегі бұлтартпау шарасы қолданылып, сотқа дейінгі тергеу амалдары жүргізілуде.
