Бұл туралы ведомствоның баспасөз қызметі мәлім етті. Бірыңғай ақпараттық жүйеде еліміздегі су шаруашылығы нысандарының жай-күйі туралы барлық ақпарат жинақталады.
Сондай-ақ, жүйе су ресурстарының тұтынушыға дейін бөлінуін және пайдаланылуын бақылауға мүмкіндік береді.
«Су ресурстарын цифрландыру өте маңызды. Бүгінгі таңда Қазақстанның бірнеше облысында ирригация желілерін цифрландыру бойынша жұмыс жүргізіліп жатыр. Алдағы уақытта цифрландыру элементтерін жалпы ақпараттық жүйеге интеграциялау жоспарлануда»,- деді ҚР Су ресурстары және ирригация министрі Нұржан Нұржігітов.
