"Екпе алмаған балалардың, тіпті ересектердің арасында қызылша жұқтыру фактілері бар. Сол себепті 2023 жылдың қараша айынан бастап қосымша иммундау күндері жүріп жатыр. 3 айдың ішінде елімізде 1,5 млн адам егілетін болады. Оның ішінде, 90 пайызы балалар", - деді министр.
Естеріңізге сала кетейік, 2023 жылдың соңында елде 29 мыңнан астам қызылша жұқтыру жағдайы тіркелді, оның 80%-ы 14 жасқа дейінгі балаларға тиесілі. 1 қаңтардан бастап 1 674 қызылшамен сырқаттанушылық тіркелді.
