Ол осыған дейін Атырау облыстық дін істері басқармасының басшысы болды.
«Қайролла Дүйсешұлы өңіріміздегі дін саласындағы рухани және саяси бастамаларына тың серпін бере отырып, көп жылдар бойы абыройлы қызмет етті. Облысымызды дамыту мен жетілдіру ісіне көп жылдар бойы аянбай еңбек етіп, қаншама жобаларды нәтижелі аяқтап, халық алғысына бөленді. Әріптестері оған денсаулық, бақыт, жақсылық, жаңа қызметіне сәттілік тілейді» делінген хабарламада.
Айта кетейік, Қайролла Көшқалиев 1968 жылы 30 маусымда Гурьев (Атырау) қаласында дүниеге келген. 1975-1985 жылдар аралығында Ю.Гагарин атындағы орта мектепте білім алған. 1986-1988 жылдары Кеңес әскерінің қатарына шақырылып, Ауғанстанда әскери борышын өтеген. 1998-2002 жылдары сол кездегі Гурьев педагогикалық институтының дене шынықтыру мұғалімі мамандығын меңгерген.
