Осыған ұқсас жағдайды қазақстандық жүргізушілер да байқаған. Балалар жолда келе жатқан көліктердің астына түсіп, оны видеоға түсіреді. Балалар бұл ойынды ақша үшін немесе жай қызық көріп ойнайтынға ұқсайды.
Алғаш рет бұл қауіпті ойынды ақтаулықтар аңғарып, жағаларын ұстаған. Абырой болғанда әзірге ешкім жапа шекпеген.
Жақында өзге де өңір тұрғындары бұл мәселеге қатысты алаңдаушылық білдіріп, желіде пікір қалдырған.
"Жүргізушілер, жол жиегінен жасөспірім көрсеңіз, сақ болыңыздар. Жаңа ғана бір бала екіншісін жүріп келе жатқан көлікке қарай итеріп жіберді. Олардың ойындары түсініксіз" деп жазды желі қолданушыларының бірі.
Алайда, жергілікті полицейлер қазіргі таңда мұндай жағдай өңірде тіркелмегенін айтады.
