Stopfake.kz мәліметіне сүйенсек, бұл шындыққа жанаспайды. Желіні ажырату туралы хабар Павлодар облысында шығып, кеңінен тарады. Өңірдің Цифрландыру басқармасы бұл ақпаратты жоққа шығарды.
«Бұл ақпарат шындыққа жанаспайды. 2023 жылғы 24 сәуірдегі жағдай бойынша барлық байланыс операторларының ақпараттық-телекоммуникациялық инфрақұрылымы штаттық режимде жұмыс істеп тұр. Сіздерді сенімді дереккөздерден алынған ақпаратқа сенуге және фейк ақпараттар таратпауға шақырамыз», – делінген хабарламада.
Демек, таралған хабарламаға сенбеген жөн. Қазақстанда 26 сәуірден 10 мамырға дейін Интернетке кіруді өшіру жоспарда жоқ.
