Оны Мәжіліс депутаты Қазыбек Иса теріске шығарды. Ол Мәжіліс депутаттары Конституциядан орыс тілін мемлекеттік тілмен тең қолдану туралы бапты алып тастауды ұсынбағанын мәлімдеді. Қазыбек Иса өзінің Facebook-тегі парақшасында оның сөздері контекстен үзіп алынғанын түсіндіріп жазған. Оның Мәжілістегі әріптестері орыс тілінің мәртебесін өзгерту туралы ұсыныстар айтпаған.
«Негізі бұл сөздер менің сөздерім контексінен үзіп алынғанын хабарлаймын. Осы өткен сәрсенбіде мен депутаттық сауал жасағанда қазақ тілі мемлекетттік тіл ретінде Конституцияда бекітілгенмен, бірақ осы уақытқа дейін Мемлекеттік тіл туралы арнайы заң жоқ!
Сондықтан да мемлекеттік органдарға қазақ тілінде хабарласқандар сол мемлекеттік тілде жауап ала алмайтын жағдай жиі кездесуде. Өйткені, мемлекеттік қызметкерлердің көбісі мемлекеттік тілді білмейді, тек орыс тілінде сөйлейді, – деп атап өтті депутат.
«Сондықтан мен «Ақ жол» демократиялық партиясының 2012 жылы енгізген, бірақ ол кезде Үкіметке тосқауыл қойған мемлекеттік тілдің қолданылу аясын кеңейту туралы заң жобасын еске түсірдім. Мен кезекті рет Конституцияда көзделген оның мәртебесін іс жүзінде іске асыруға мүмкіндік беретін «мемлекеттік тіл туралы» арнайы заң қабылдауға шақырдым. Бұл ұсынысты кейбір басқа депутаттар да қолдады», – деді Қазыбек Иса.
Естеріңізге сала кетейік, «Қазақстан Республикасының Конституциясына өзгерістер мен толықтырулар енгізу туралы» заң жобасы 5 маусымда өтетін республикалық референдумға шығарылады. Конституциялық түзетулер туралы толығырақ мына жерден оқуға болады.
