Ресми «coronavirus2020.kz» мәлім еткендей, тұмауға қарсы вакцинациялаудың қандай маңызы барын медицина ғылымдарының докторы, профессор, ҚР ҰҒА академигі, Қазақстан репродуктивті медицина қауымдастығының президенті Вячеслав Локшин қазақстандықтарға қатаң ескертуде.
«Коронавирус инфекциясы – адамнан адамға оңай берілетін өте жұқпалы ауру. Оның негізгі алдын алу әдістері – гигиена, әлеуметтік қашықтық және маска тағу және халық көп жиналатын орындарға бармау керек. Осылай ғана қорғануға болады. «Бүкіл адамзат маска тақса, эпидемия бітер еді», деген эпидемиологтардың сөзі бар. Вируспен күрестің негізгі әдісі – карантин шараларын сақтау. Қазір вакциналар жасалып жатыр. Менің ойымша, коронавирус пандемиясы келесі жылдың жазына қарай біртіндеп аяқталады.
Тұмауға қатысты вакцина бар. Жыл сайын штамптар өзгереді және вакцина вирустың болжанған түріне сәйкес шығарылады. Жыл сайын әлемдегі көптеген адамдар осындай вакцинаны салдырады. Әсіресе қарттар мен жүкті әйелдерге, дәрігерлерге және басқа да санаттағы адамдарға вакцина салдыру дұрыс болар еді. Егер дәрі-дәрмек өндірушісі дұрыс штампты таңдаса, адамдардың вирусты жұқтырмау немесе ауруды жеңіл формада өткізу мүмкіндігі жоғары болады. Бұл әсіресе коронавирус пандемиясы кезінде өте маңызды. Егер тұмауға коронавирус инфекциясы қосылса, оны емдеу әлдеқайда ауыр өтеді. Сондықтан вакцинация өте қажет. Тұрғындардың қыркүйек-қазан айларында екпе егуі де дұрыс қадам болды.
«Иммунитетті қорғау мәселесі де өте маңызды. Ол үшін салауатты өмір салтын ұстанып, таза ауада серуендеп, Д витаминінің қалыпты мөлшерін қабылдау керек. Д витаминінің аз болуы да иммунитеттің төмендейтіні дәлелденді. Аскорбин қышқылы мен мырышты да қабылдау керек. Яғни, дұрыс тамақтану мен қажетті дәрумендер иммунитетті сақтауға көмектеседі» дейді профессор.
