RSS лента

Короновирустың «екінші толқынына» дайынбыз ба?

  • 30.09.2020, 18:50,
  • 1 289
  • 0
  • Автор: AmandyqAudaru
Автор фото: ашық көздерден

Атырауда короновирустың «екінші толқынына» дайындық пысықталды, деп хабарлайды Turantimes.kz тілшісі Атырау облыстық денсаулық сақтау басқармасының баспасөз қызметіне сілтеме жасап. 

Әлемнің бірқатар елінде короновирус  пандемиясы  қайтадан күш алып жатыр.  Сол себепті  еліміздің әр өңірінде пандемияның «екінші толқынына» дайындық басталды. Атырау облысында  короновируспен күрестің екінші  кезеңіне арнайы штаб құрылды.

 
Атырау облыстық денсаулық сақтау басқармасы басшысының орынбасары Асхан Байдуәлиевтың төрағалығымен өткен жиында облыстағы емдеу мекемелері басшыларынан штаб құрылып, нақты жоспарлар бекітілді. 

 

«Күн суытқан сайын вирустық жұқпалар өршиді.  Сондықтан, короновирус жұқпасы тұмаумен бірге септесіп күшеюі мүмкін.  Оның үстіне әлем елдерінде короновирус жұқпасын жұқтырғандар саны көбейіп отыр.  Жаман айтпай жақсы жоқ, қауіпті індет өрши қалған тұста жан-жақты дайын болуымыз керек. Сол себепті, дайындықты ширата түстік» дейді Асхан Байдуәлиев. 


Жиында жедел-жәрдем бекеттеріне  диспетчерлер санын көбейту, дәрі-дәрмек қорын нақтылау,  қорғаныш құралдары, ИВЛ аппараттарының жеткілікті болуын қадағалау,  тұрғындардың дәрігерлерге онлайн хабарласа алуын қолжетімді ету мәселесі қаралды.

Оставить комментарий
Последние новости
         
Все новости