«Атырау» футбол клубының ойыншылары әрқайсысы жасыл алаңға бір-бір күшіктен алып шықты. Мұнымен олар көпшіліктің назарын қараусыз жүрген үй жануарларына аударғысы келген екен. Аталған клубтың баспасөз қызметінен білгеніміздей, бұл «Ит – жеті қазынаның бірі» атты акция. Оған «Доброе сердце» қоғамдық қорының еріктілері қатысқан. Аталған ұйым 2016 жылдан бері үйсіз жануарларға жаңа қожайын табуға көмектесіп келеді.
