Ақтауда мұнай-газ саласының компаниялары мен мемлекеттік органдардың басын қосқан PetroHR конференциясы өтті. Конференцияда адам ресурстарын басқару жөніндегі мамандар компанияларында кадрларды дамыту қалай жүзеге асатыны туралы баяндады. Баяндамашылардың арасында «Теңізшевройл» (ТШО) адам ресурстарын басқару жөнідегі бас менеджері Камшат Байжанова да болды. ТШО конференцияның күміс демеушісі болғанын айта кету керек.
Бас менеджер өз баяндамасын компанияның басты құндылықтарының бірі адамдар екенін, сондықтан қызметкерлерінің дамуына ТШО үнемі көңіл бөлетініне мән беруден бастады.
«Адамдар біздің басты құндылықтарымыздың бірі» деп мәлімдеп қана қоймай, біз осы ұстанымды барлық процестерімізге қатыстырамыз. Ашық жарияланған «ТШО сара жолы» құжатында бейнеленген ұйымдық мәдениетімізді сақтау және дамыту бағытында үзбей жұмыс істейміз. Біз алуан түрлілік және инклюзия принциптерін ұстанамыз, кері пікір алу құралдарын енгіземіз, жетекшілік қабілеттерді дамытамыз және дамуға мүмкіндіктер береміз,» - деп атап өтті Кәмшат Байжанова.
Кадрлық жоспарлау және жоғары білікті мамандарды іздеу
ТШО-да кадрларды жоспарлау процесі үздіксіз жүреді. Оның аясында бизнестің мақсаттары мен адам ресурстарына сұраныс бағаланады. Кәмшат Байжанова штат кестесін стратегиялық жоспарлау кадрларға сұранысты анықтап, тиісті ресурстарды тарту стратегияларын әзірлеуге мүмкіндік беретінін атап өтті.
«Бәрі штат кестесін стратегиялық жоспарлаудан басталады. Әр ТШО бөлімшесі жыл сайын бизнестің мақсаттарына және қажеттіліктерге сүйеніп, штат кестесін дайындайды. Біз ресурстарды тарту стратегиясын, яғни нақты позицияны ішкі ресурстармен жабамыз ба, не сырттан жұмысқа аламыз ба, анықтаймыз, содан соң жұмысқа алу жоспары сәйкесінше әзірленеді. Маңызды жайт – осы процесстің барысында ұлттандыру жоспары да жүзеге асады. Осылайша компания қандай шешуші техникалық немесе басшылық лауазым қашан ұлттық кадрмен жабылатынын анықтауға мүмкіндік алады,» - деп түсіндірді Кәмшат Байжанова.
2007 жылдан бері ТШО-ның 460 ұлттық қызметкері басшылық, орта буын басшылық және шешуші техникалық лауазымдарда шетелдік қызметкерлерді алмастырғанын атап өту керек.
Жоғары білікті мамандарды тарту үшін ТШО тартымды жұмыс беруші брендін қалыптастырады. Компания жұмыс жәрмеңкелеріне белсенді қатысады, оқу орындарымен жұмыс істейді, тәжірибелі мамандарды жұмысқа алады. Маңызды фактор – бұл ТШО-ның ұйымдық мәдениетін ұйымдастыру болып табылады. Ол қызметкерлерге жайлы жағдай тудыруға ерекше көңіл бөледі, кәсіби және мансап тұрғысынан дамуға мүмкіндіктер ашады. Еске салайық, «Теңізшевройл» үш жыл қатарынан Қазақстандағы ең тартымды жұмыс беруші болып танылды.
Қызметті басқару және мансапты дамыту
«We Lead» жетекшілік қабілеттер моделіне құрылған ТШО қызметті басқару процесі (ҚБП) қызметкерге компанияның бизнестегі міндеттерімен үндесетін нақты мақсаттар қоюға арналған. Кері байланыстың – тұрақты, ал даму мақсаттарының белгілі болуы қызметкерлерге корпорацияның мақсаттарына жетуге қосқан үлесін көруге көмектеседі.
«Басты талап - қызметкердің алдына қойған мақсаттары бөлімшенің және жалпы компанияның бизнес мақсаттарымен үндесіп тұруы тиіс. Біздің процесімізді кері байланыс мүмкіндігі ерекшелейді. Кері байланыс жылына төрт мәрте ҚБП аясында өтетін кездесулер кезінде тұрақты беріледі. Бұл қызметкерлерге компанияның қызметіне және бизнес мақсаттарына жетуіне қосқан өздерінің үлесін көруге мүмкіндік береді,» - деп атап өтті Байжанова.
Мансапты дамыту ТШО стратегиясының маңызды элементін құрайды. Компания қызметкерлеріне әлеуетін бағалап, кері байланыс алуға және даму жоспарларын құруға мүмкіндік ұсынады. Байжанова ТШО-дағы әр басшыдан кадрларды дамыту комитеттерінің қолдауына сүйеніп, өз тобының дамуына жағдай жасау сұралатынын атап өтті.
Оқыту-даярлау және сабақтастықты жоспарлау
ТШО қызметкерлерін оқыту-даярлауға және дамытуға үзбей көңіл бөледі. Бұның тамаша мысалы – техникалық мамандықтар бойынша бойынша жас мамандарды дамытуға арналған «Horizons» бағдарламасы. Компания онлайн оқыту платформаларын, сандық дағдыларды және жетекшілік қабілеттерді дамыту курстарын ұсынады, жоғары білім алуға және кәсіби аттестациядан өтуге қолдау көрсетеді.
Сабақтастықты жоспарлау ТШО үшін қауіпсіздікті және үздіксіз өндірісті сақтау тұрғысынан айрықша маңызды. Компания кадрлық резервін тұрақты жаңартып отырады, үздік қызметкерлерді де тыс қалдырмайды. Шешуші лауазымдарға ізбасар үміткерлерді дамыту жоспарларын әзірлейді.
ККЖ-ҰЕҚБЖ мұрасы
Келешек кеңею жобасы – Ұңғы ернеуіндегі қысымды басқару жобасын (ККЖ - ҰЕҚБЖ) жүзеге асыру барысында ТШО оқыту-даярлау курстарынан өткен, білікті, 40 000 аса ұлттық маманнан тұратын мұра қалыптастыруға көмектесті. Бұл мамандар жинаған тәжірибесін Қазақстанның ішіндегі және шетелдегі басқа өнеркәсіптік жобаларда қолдана алады.
2019 жылы ТШО Атырау мен Маңғыстау облыстарының тұрғындарына арнап монтаждау, электрлік монтаждау, құрылыс сатыларын монтаждау, металл конструкцияларды монтаждау, дәнекерлеу, құбырларды монтаждау, аспаптарды монтаждау, құрылыс, оқшаулау қабатын монтаждау, әрлеу-бояу, құм ату сияқты сұранысқа ие кәсіби-техникалық мамандықтарға оқыту-даярлау бағдарламасын іске қосты.
