Жуырда өткен Үкімет отырысында Ауыл шаруашылығы министрі Сапархан Омаров ауыл шаруашылығына салынған инвестициялар көлемі 54,8 пайызға өскендігін жеткізді. Биылғы қаңтар-наурыз айларында жалпы ауыл шаруашылығы өнімінің көлемі 2,8 пайызға өсіп, 591,3 млрд. теңгені құрады. Бұл өсімнің басты көрсеткіші – мал шаруашылығындағы өндіріс көлемінің 3 пайызға ұлғаюы. Мәселен, ет өндіру көлемі тірідей салмақта 5,1 пайызға, сүт 3,4 пайызға артқан. Өсімдік шаруашылығы бойынша 33,5 млрд. теңгенің өнімі өндіріліп, нақты көлем индексі 100%-ды құраған. Ауыл шаруашылығы дақылдарын жабық топырақта (жылыжайда) өсіру есебінен осындай нәтижеге қол жеткен.
- Республика бойынша төрт облыс, яғни Ақмола (114,1%), Жамбыл (103,8%), Қарағанды (103,5%) және Павлодар (103,2%) облыстары жоғары көрсеткішке қол жеткізді, - деді Сапархан Омаров.
