Әлеуметтік желіде "Хабар24" эфирінде өткен сюжеттің үзіндісі алынып, жалған ақпарат таратылып жатыр. Сюжетте Франциядағы коронавирус жағдайына байланысты карантин мерзімі ұзартылатыны хабарланған болатын.
Атырау облыстық ішкі саясат басқармасының басшысы Жасылан Бисембиевтің айтуынша, әдейі қысқартылып алынған сюжетте ақпараттың мазмұны өзгертілген.
Естеріңізге сала кетейік, Қазақстан Республикасының заңнамасымен жалған ақпаратты таратқаны үшін жауапкершілік қарастырылған.
