Tengrinews.kz жазғандай, бейнероликте еденде жылап жатқан қызды екі ер адам ұстап тұрғаны және олардың бірі қызға сұрақтар қойғаны түсірілген. Видео жазбада тоғыз жастағы қызға Ляззат есімді 19 жастағы қыздың рухы енгені айтылған. Қазнетте жарияланған роликке қазақстандықтар наразылық білдірді.
Бұл мәселеге қатысты біз де Атырау облысының бас имамы Алтынбек Ұтысханұлының пікірін білген едік.
Ал, бес жасар бүлдіршіннің анасы қызын өз қолымен емшіге апарып, сауығып шыққанын айтады.
Сондай-ақ, Қазақстандағы бала құқықтары жөніндегі уәкіл Динара Закиева да Instagram-парақшасында видеоға қатысты өз пікірін білдірді.
Атырау облысындағы бала құқықтары жөніндегі уәкіл Айжан Сарсембаева "Ақ Жайық" газетіне берген сұхбатында қыздың Алматы қаласында тұратынын, сондықтан бұл іс Алматы облысындағы уәкілдің қарауында екенін мәлімдеді.
Құқық қорғау органдары емшімен әңгіме өткізгені белгілі. Алайда ол қыздың есімі мен тегін есіне түсіре алмады, өйткені ол оның көптеген "науқастарының" бірі ғана болған.
