Ерекше жамылғы жамылып алған ролик кейіпкері мүлдем көрінбей кетеді. Кадрлар астынан бұл тербелістердің жиілігін өзгерту арқылы жұмыс істейтін өзгеғаламшарлық технология деп жазылған. Оның шын мәнінде не екенін stopfake.kz айтып берді.
Әрине, бұл таңқаларлық жайт, бірақ таралған видео фейк емес, көзге көрінбейтін мантия шынымен бар. Алайда, оның өзгеғаламшарлықтарға да, жұмбақ тербелістердің жиіліктерінің өзгеруіне де ешқандай қатысы жоқ.
Кадрларда америкалық HyperStealth Biotechnology Corp компаниясының жобасы көрсетілген. Алғашқы көрінбейтін технологияның негізін қалаған Гай Креймер. Ол 2010 жылы жасалды, құрылғы мантия емес, лентикулярлық линза болған пластикалық қалқан болды.
Мұндай линзалар бәрімізге бала кезден жақсы таныс. Бұл 80-ші жылдары Кеңес Одағында кең таралған «голографиялық» ашықхаттар жасауға септігін тигізді.
Лентикулярлық линза – бұл бір жағынан жұқа жартылай цилиндрлік проекциялармен жабылған мөлдір бет. Бір миллиметрде осындай үш көтерілім болуы мүмкін. Олар тігінен орналасқан линзаның артында тұрған зат көрінбейтіндей етіп жарықты сындырады.
HyperStealth Biotechnology Corp компаниясында лентикулярлық линзаларға негізделген бірнеше жоба бар. Кейбіреулері бір-біріне жабыстырылған және арасына май салынған екі линзадан тұрса, басқалары – әр түрлі бағыттағы іздер мен камуфляж өрнегі бар лентикулярлық линзалар. Сондай-ақ компания сол принцип бойынша салынған, бірақ жұмсақ материалдан жасалған көрінбейтін мантиялар ұсынады.
Олар қалай жұмыс істейді, технологияның артықшылықтары мен кемшіліктері Желіде егжей-тегжейлі сипатталған.
Құрылғының өзгеғаламшарлықтарға ешқандай қатысы жоқ және жұмбақ тербелістердің арқасында жұмыс істемейтіні анық. Бірақ баршаға белгілі және құпия емес физика және оптика заңдарына негізделген.
Демек, таралған ақпарат – манипуляция. Жер бетінде қолданылатын керемет технологияның видеосы өзгеғаламшарлықтардың жобасы ретінде ұсынылуда.
