Атырау облысы бойынша Қылмыстық-атқару жүйесі Департаментінің баспасөз-қызметінен білгеніміздей, 4 желтоқсан күні Атыраудағы тергеу изоляторында йогурттың ішіне белгісіз шөп пен ақ дәрі салып бермек болған 25 жастағы азамат ұсталды.
- Заңсыз сәлемдеме ұрлық жасағаны үшін уақытша қамауға алынған азаматқа арналғаны анықталды. Мекемеге Атырау облыстық Полиция Департаментінің Жедел тергеу тобы шақырылып, «курьер» ұсталды. Сәлемдеме сараптамаға жөнелтілетін болады, - дейді УГ-157/1 мекемесінің Күзет және режим бөлімі бастығының орынбасары Айдар Аққажиев.
Атырау облысы бойынша Қылмыстық-атқару жүйесі Департаментіне қарасты УГ-157/1 мекемесінде заңсыз сәлемдемелердің жолын кесуге арналған іс-шаралар жалғаса бермек.
