Былтыр атырау іргесінде 18 шақырым бөгет бекітіп, көктемгі тасқынға төтеп берген кәсіпкер әкімдікті жеңіп шықты. Сот бизнес иесінің атқарылған жұмысына ақы төленуі керек деп шешті. Сөйтіп мемлекеттік мекемені 625 млн теңге өтеуге міндеттеді. Кәсіпкер тарапы сот шешімін дереу орындауға жіберу бойынша өтініш берген. Оны прокурор да қолдады. Алайда әкімдіктегілер шешімді орындауға асықпайтын сыңайлы. Аппеяциялық шағым түсіретіндерін айтты. Қаперге берсек, мемлекеттік мекеме мен кәсіпкердің соты жарты жылға созылды. Алғашқы отырыста бизнес иесі жеңіліп, қайта шағым берген.
- «Қайыршақты ауылдық округі әкімі аппараты» мемлекеттік мекемесінен «АГК Групп» жауапкершілігі шектеулі серіктестігінің пайдасына 625 млн 417 мың 488 теңге көлімендегі қарыз өндірілсін. «АГК Групп» серіктестігінің әкімдіктен 38 млн теңге көлемінде тұрақсыздық айыбын өндіру туралы өтінішін қанағаттандырудан бас тартылсын, - деді судья Оксана Дәурешова.
