Маңғыстау облысы полиция департаментінің ұйымдасқан қылмысқа қарсы күрес басқармасының қызметкерлері мұнай компанияларының біріне жұмысқа орналастыру, сондай-ақ автокөліктер мен жылжымайтын мүлікті алып-сату сылтауымен 112 млн теңгеден астам қаражатты иемденген алаяқтарды ұстады.
ІІМ ұйымдасқан қылмысқа қарсы күрес департаментінің өкілі Қуандық Алпыстың айтуынша, республиканың әр өңірінен 20 адам арызбен жүгінген. Ұсталғандардың тұрғылықты жері мен жұмыс орны бойынша тінту жүргізілген. Заттай дәлелдемелер тәркіленген. Қазіргі уақытта топтың 3 мүшесі қамауда. Қажетті тергеу шаралары жүргізіліп жатыр. Олар ұйымдасқан қылмыстық топты құрып, оны басқарды және оған қатысты деп айыпталуда.
