RSS лента

Қазақстанда ұялы телефондар бұғатталатыны рас па?

  • 17.01.2022, 02:00,
  • 486
  • 0
  • Автор: AmandyqAudaru
Автор фото: әлеуметтік желі

Қазақстандықтар вакцинацияланған адамдарға қоңырау шалып, телефондарын бұғаттап жүрген алаяқтар туралы хабарлама тағы да тарала бастады, деп хабарлайды Turantimes.kz тілшісі.

Хабарламада белгісіз біреулер қоңырау шалып, адамдардың вакцина алғандарын сұрайды. Оң жауап болған жағдайда, әңгімелесуші 1 санын басуды сұрайды. Осыдан кейін телефон бұғатталып қалады.


Бұл фейкті "Стоп фейк" бұған дейін де терістеген болатын. KZ-Cert Компьютерлік инциденттерге әрекет ету қызметінің хабарлауынша, алаяқтардың бұлай әрекет етуі екіталай.


– Алаяқтар әлеуметтік инженерия көмегімен бұған дейін пайдаланушының қандай да бір деректерін иемденбесе, қоңырау шалу арқылы телефонды басқару мүмкін емес. Мысалы, егер оларға кіру кодтары, СМС-кодтар және өзге де авторизациялық деректер берілсе, – деп хабарлады ұйым өкілдері. 


Сондай-ақ, Қызмет әлеуметтік инженерияға мысал ретінде банктер атынан жалған хабарламалар, SMS немесе CVC банк картасының кодтарын және т.б. айту өтінішімен «қауіпсіздік қызметі өкілдерінің» қоңырауларын келтіріп өтті.


Бұған дейін қазақстандықтардың жеке деректерін иемденуге тырысқан кибер-алаяқтар туралы "Стоп фейк" бірнеше рет жазған болатын. Олардың қандай айла-әдістерді қолданатыны және алаяқтықтың құрбаны болмау жолдары туралы мына жерден оқи аласыздар.


Желіде алаяқтарды қалай тануға болатыны және олардан қорғану жолдары туралы толық ақпарат KZ-Cert Компьютерлік инциденттерге әрекет ету қызметінің ресми сайтында орналастырылған.


Оставить комментарий
Последние новости