Куәгерлердің сөзінше, оқиға Қызылту ауылының маңында әуежай жақта орын алған. Оқиға орнында өрт сөндірушілер мен жедел жәрдем қызметкерлері жұмыс жасап жатыр. Алматы әуежайының баспасөз қызметі Нұр-Сұлтан-Алматы бағытындағы ҰҚК-нің АН-26 әскери ұшағы құлағанын хабарлады.
Ұшақта барлығы 6 адам болған. Әзірге қайтыс болғандар жөнінде мәлімет жоқ. Шамамен 17:30-да байланыс үзілген соң, дереу дабыл қағылған. Өкінішке орай, ұшақ жолаққа жетпей құлап тынған.
