RSS лента

Қазақстандықтардың қызу талқысына түскен сәбидің денесі вакцинадан қызарып кетті ме?

Автор фото: stopfake.kz

Қазақстандықтар вакцинациядан кейін 24 сағат өткен соң түсірілген сәбидің суретін талқылауда, деп хабарлайды Turantimes.kz тілшісі.

Баланың арқасына қызыл қабыршақты бөртпе шыққан. Кейбір адамдардың пікірінше, бұл вакцинацияға мұндай реакцияның болуы бізді дәрі-дәрмекпен баяу өлтіріп жатқандарының дәлелі. Әрине, бұл олай емес деп сендіреді stopfake.kz суреттің екпеге еш қатысы жоқ екенін жаза отырып.

 

Біріншіден, нәрестенің суреті ескі. Оны 2018 жылғы жарияланымдардан көруге болады. Демек, бұл фотосуреттің COVID-19 вакцинациясына ешқандай қатысы жоқ.

 

Екіншіден, суретті қайта іздеген жағдайда, баладағы бөртпенің есекжем немесе аллергиялық реакция екенін анықтадық. Бұл нәрестелер арасында болып тұратын құбылыс және оның бірнеше себебі бар: емізетін ананың тамақ рационының өзгеруі, ультракүлгін сәулелер, тұрмыстық химия және баланың нәзік терісіне жарамсыз гигиена құралдары, кейбір дәрі-дәрмек түрі, инфекциялар мен аурулар.

 

Үшіншіден, фотосуреттегі балаға қашан, қайда және қандай вакцинаның жасалғаны белгісіз. Нәресте суретке түскенге дейін мүлдем екпе жасатпаған шығар. Сондай-ақ, фотосуретте көрсетілген бөртпе қандай да бір медициналық препараттың жанама әсері екенін растайтын сенімді ақпарат жоқ.

 

Қорыта айтқанда, суретте нәрестеге шыққан бөртпе анық көрсетілсе де, оның пайда болу себептері туралы ақпарат жоқ, сондай-ақ вакцинацияның әлемдік Үкімет тарапынан жасалып отырған геноцид екенін дәлелдемейді.

ЧИТАЙТЕ ТАКЖЕ:
Оставить комментарий
Последние новости
         
Все новости