Жалпы 250 мың студенттің стипендиясы көтеріледі. Орта буын мамандықтары үшін стипендия мөлшері 20 948 теңгеден 31 422 теңгеге дейін, жұмысшы мамандықтары бойынша 21 787 теңгеден 32 681 теңгеге дейін артады. 2024 жылы стипендия 100%-ға өседі. Колледж студенттерінің стипендия мөлшерін екі есеге ұлғайту туралы Мемлекет басшысының «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасында айтылған болатын.
