"Биыл қаңтарда ауа райының қолайсыздығына байланысты Атырау мұнай өңдеу зауытында электр энергиясын жеткізуде іркіліс пайда болған еді. Соның салдарынан технологиялық қондырғылар апатты жағдайда тоқтап, жөндеу және қалпына келтіру жұмыстарын жүргізу қажеттігі туындады. Алғашқы жоспар бойынша жөндеуді 4 сәуірде аяқтап, зауытты толық қуатына 10 сәуірде шығару жоспарланған. Алайда ақауларды анықтау барысында қосымша жөндеу шаралары қажет екені анықталды. Сол себепті Атырау мұнай өңдеу зауытын 24 сәуірде іске қосу жоспарланып отыр.
Атырау МӨЗ-дің қондырғыларын жөндеу барысында елде мұнай өнімдерінің тапшылығын болдырмау үшін Шымкент мұнай өңдеу зауытында 25 наурыз бен 10 мамыр аралығына жоспарланған күрделі жөндеу жұмыстарының мерзімі 1 мамыр мен 10 маусымға ауыстырылды. Қазір республикада бензин тапшылығы жоқ. 9 сәуірдегі жағдай бойынша мұнай өнімдері қорының деңгейі жеткілікті деңгейде. Яғни, 25 күнге жететін бензин, 27 күнге жететін дизель отынының қоры бар" дейді ол.
