Туыстарының айтуынша, мектеп қызметкерлері қан іздерін жуып, балалардан болған оқиғаны жасырын ұстауды сұраған көрінеді. Бастапқыда қыз отбасысына жай ғана тайып құлап кеткенін айтса, кейін оны қатарластары итеріп жібергенін мойындаған.
Ата-аналар жағдайды тек кешке ғана білген — сынып жетекшісі де, мектеп әкімшілігі де оқиға туралы дереу хабар бермеген.
Қазіргі уақытта 11-сынып оқушысына дене жарақатын келтіру фактісі бойынша қылмыстық іс қозғалды. Полиция күдіктіні анықтап, оны заңды өкілдерінің қатысуымен жауап алған. Тергеушілер оқиғаның барлық мән-жайын анықтап жатыр.
Оқиға туралы құқық қорғау органдарына дер кезінде хабарланбағаны үшін сынып жетекшісі мен мектеп директорына қатысты материалдар Білім сапасын бақылау департаментіне жолданды. Құқық бұзушылыққа қатысы бар жасөспірім ішкі істер органдарының есебіне қойылды. Жиналған материалдар кәмелетке толмағандар ісі жөніндегі комиссияға жіберілмек.
