Балық аулау кезінде 17 жастағы жасөспірім моторлы қайықтан құлап, суға батып кетті. Облыстық ТЖД мәліметінше, іздестіру-құтқару жұмыстарына 19 қызметкер, 5 техника және 6 жүзу құралы жұмылдырылған. Сонымен қатар, операцияға полиция департаментінің 8 қызметкері, 3 техника және 1 жүзу құралы қатысуда.
"Жасөспірімді іздеу жұмыстары жалғасуда. Оқиғаның мән-жайы анықталуда" деді құтқарушылар.
Кейбір деректерге сүйенсек, көз жұмған жасөспірім 2007 жылы туған, дзюдомен айналысқан. Жарыстарға қатысып, үлкен үміт күттірген.
