77 адамнан тұратын топ (4 тәлімгер, 73 бала) «Атырау-Астрахань» теміржол бағыты бойынша «Қазақстан геологы» санаторийіне (Железноводск) жіберілді. Жолға шыққаннан 1,5 сағаттан кейін балалардың біреуі өзін нашар сезініп, жедел жәрдем шақырылды. «Нарын» станциясына келген жедел жәрдем баланың қайтыс болғанын анықтады.
«Атырау облыстық білім беру басқармасы құзырлы органдармен бірлесіп, қайғылы оқиғаның барлық мән-жайын тексеру үшін комиссия құрды. Пойызда жолаушылар өз тамағын тұтынғанын хабарлаймыз. Қазіргі уақытта баланың денесі сот-медициналық сараптамаға жіберіліп, қылмыстық іс қозғалды. Білім беру басқармасы тарапынан қайтыс болған баланың отбасына барлық көмек көрсетіледі» деп мәлім етті облыстық білім беру басқармасындағы мамандар.
Қайғылы жайтқа орай «Қазақстан темір жолы» АҚ тарапынан да мәлімдеме жасалды.
«№625 «Атырау-Астрахан» пойызында 2010 жылы туған бала көз жұмды. Бала төрт қараушылар сүйемелдеуімен балалар тобының құрамында лагерьге барған. Топтың тамақтануы тәуелсіз болды. Кеткеннен кейін, 1,5 сағаттан соң бала өзін нашар сезінді. Пойыз бригадасы нұсқаулыққа сәйкес жұмыс істеді, жедел жәрдем шақырылып, Нарын станциясына келді. Келген медицина қызметкерлері қайтыс болды деп мәлімдеді. Өлімнің себептері сараптама жүргізілгеннен кейін белгілі болады. Компания баланың туыстары мен жақындарына қайғырып көңіл айтады» делінген хабарламада.
