Бұл туралы Polisia.kz мәлім етті. 31 жастағы семейлік әйелдің баяндауынша, 2019 жылдың қазан айында Семей қаласындағы азық-түлік дүкендерінің бірінің жанында, алдау және сенімге кіру жолымен жылжымайтын мүлікті жеңілдетілген бағаға сатып алу сылтауымен бейтаныс әйел оның 500 мың теңге сомасындағы ақша қаражатын иемденіп кеткен.
Жедел-іздестіру шараларын жүргізу барысында криминалдық полиция қызметкерлері Семей қаласының 44 жастағы тұрғынын анықтап, ұстады. Аталған факті бойынша ҚР ҚК-нің 190-бабы 1-бөлігі бойынша сотқа дейінгі тергеу амалдары жүргізілуде.
