ВВС агенттігінің мәліметінше, Зигмаринген–Ульм бағытында жүріп келе жатқан пойыз жексенбі кешке апатқа ұшыраған.
Түнде жергілікті құтқару қызметінің басшысы Шарлотта Циллер БАҚ өкілдеріне апат орнындағы құтқару жұмыстарының аяқталғанын хабарлады.
«Біздің мәліметтерге сүйенсек, вагондарда қалған адам жоқ, және барлық зардап шеккендерге медициналық көмек көрсетілді», — деді Циллер.
Апат алдында бұл маңда дауыл соғып, теміржол төсемін шайып кетуі мүмкін деген болжам айтылуда. Осы себепті пойыз рельстен шығып кеткен болуы ықтимал.
