Англияда ерлі-зайыптылар үйлеріне жөндеу жұмыстарын жүргізіп жатып сирек кездесетін монеталарға тап болған, деп хабарлайды Stan.kz ақпарат агенттігі NBC News-ке сілтеме жасап.
Аукционшы Грегори Эдмундтың айтуынша, ерлі-зайыптылар оларды 18 ғасырда тұрғызылған үйінде жөндеу жұмыстарын жасап жатқанда кездейсоқ тауып алған.
Электр кабелінің бір бөлігі деп ойлаған сирек монеталар аукционда 852 380 долларға бағаланыпты.
Британдық "The Yorkshire Post" газетінің хабарлауынша, монеталар 1610-1727 жылдар аралығында жарыққа шыққан. Ол король I Яков пен король I Георг басқарған кезеңге сай келеді.
