Қазақстан үкіметі елдің ірі мұнай кен орындары – Қарашығанақ пен Қашағанды игеретін операторлардың үстінен талап-арыз түсірді. Бұл туралы энергетика министрі Алмасадам Сәтқалиев мәлімдеді.
"Үкіметтің өкілетті органы – PSA компаниясы Қарашығанақ пен Қашаған компанияларының үстінен халықаралық арбитражға талап-арыз түсірді. Өкінішке қарай, мен мән-жайды жария ете алмаймын. Бір ғана айтарым, талап-арыз Қазақстан халқының мүддесі үшін берілді", - деді Сәтқалиев.
Қазақстан үкіметі жоба серіктестері Қашаған бойынша 13 млрд доллар, ал Қарашығанақ бойынша 3,5 млрд доллар мөлшеріндегі шығындарды шегермеуі керек деп санайды.
